F O N D A T I O N L Ë T Z E B U E R G E R K A N N E R D U E R F
D’Fondation Lëtzebuerger Kannerduerf (SOS Kannerduerf Lëtzebuerg) ass eng privat, politesch a konfessionell neutral Organisatioun déi mam Ministère de l'Éducation nationale, de l'Enfance et de la Jeunesse eng Konventioun huet.
S O S K a n n e r d u e r f F a m i l l j e n
Traumatesch Verletzungen kënnen nëmmen dann heelen wann d'Kand am Kader vu sengem Placement dauerhaft a verlässlech Bezéiungen kann agoen. Dofir steet an de Kannerduerf-Familljen am SOS Kannerduerf zu Miersch eng individuell Betreiung an engem schützenden, familiäre Kader un éischter Plaz. Dat selwecht ass och an eisen externen Kannerduerf-Familljen de Fall, déi kuerzfristeg, a fir eng begrenzten Zäit, kléng Kanner aus enger Noutsituatioun ophuelen.
W u n n g r u p p e f i r K a n n e r a J u g e n d l e ch
Mir engagéieren eis laangfristeg, fir de Kanner a Jugendlech déi eis uvertraut ginn, a wichtege Beräicher vun hirer Entwécklung, sief dat gesondheetlech, schoulesch, oder perséinlech, dat mat op de Wee ze ginn wat si fir e selbststännegt, zefriddent a sozial gutt intégréiert Liewe brauchen.
W u n n e n g s h ë l l e f
Mir begleeden di jonk Leit an hirem Iwwergang an d’Selbststännegkeet andeems mir hinnen d’Méiglechkeet bidden alleng oder am klenge Grupp an enger Wunneng ze liewen. Bei dësem Projet spillt déi individuell Ënnerstëtzung an der Gestioun vum Alldag a bei der Realisatioun vun engem beruffleche Projet eng zentral Roll.
A n t e n n e F a m i l i a l e
D’Antenne Familiale ass ënnerdeelt a verschidde Servicer : De Fleegefamiljendéngscht begleet Fleegefamillen a "familles proches". De Familljestäerkungsdëngscht an de psychologeschen Berodungsdéngscht bidden Kanner a Familljen a schwierege Situatiounen eng soziopädagogesch an/oder eng therapeutesch ausgeriichten Ënnerstëtzung.
B e r u f f s - a l i e w e n s v i r b e r e e d e n d A u s b i l d u n g
Dëse Projet ass fir Jugendlech geduecht fir déi weder an der Schoul nach um Aarbechtsmaart eng direkt Perspektiv besteet. Hei ginn nieft praktesche Kompetenzen am Beräich vum Handwierk a vun der Hauswirtschaft virun allem och sozial Kompetenze vermëttelt. D’Ziel ass, op deem Wee den Iwwergang an d’aktivt Liewen ze erméiglechen.
D é i e r e g e s t ü t z t e n I n t e r v e n t i o u n
Déieregestützte Pädagogik notzt di heelend Wierkung vun der Bezéiung tëscht Mënsch an Déier. D’Kand léiert iwwert de Kontakt mam Déier sech selwer, an doduerch och seng Ëmwelt besser ze verstoen. Schonn alleng de kierperleche Kontakt zum Déier suergt fir Glécksgefiller, déi d‘Bindungsfäegkeet förderen. Esou hëllefen Déieren de Kanner hir kognitiv, kierperlech a sozial Fäegkeeten ze verbesseren, an hir séilesch Verletzungen ze iwwerwannen.
