Wëllkomm bei Sandrine's Pony Express.
Sicht Dir eng Aktivitéit fir déi ganz Famill?
Sicht Dir e „Pony-Club“ fir Är Klengsten?
Sicht Dir eng onvergiesslech Aktivitéit fir Är Arrichtung oder eng Plaz fir e Gebuertsdag?
Da kommt bei Sandrine's Pony Express.
Mat mengen Ponye schaffen ech reitpädagogesch.
Meng Déngschter si fir Mënschen all Alters a jiddwer Liewenssituatioun geduecht. Dozou gehéieren eeler Leit, Mënschen mat Behënnerung, Familljen a Gruppe vun Institutiounen (Schoulklassen, Crèchen, Heemer ...).
Ech schaffen haaptsächlech op Ufro:
- Éischte Kontakt mat de Ponye fir déi Kleng.
- Zäit am Stall: Erlieft eng gemittlech Zäit am Stall mat de Ponye: heemelen, kämmen, botzen, spadséieren ...
- Spadséiergang mat de Ponye: Mat der Famill oder Frënn kënnt Dir e perséinleche Spadséiergang op déi schéinste Plaze vun der Regioun buchen.
- Gebuertsdeeg: Feiert de Gebuertsdag vun Ärem Kand um Bauerenhaff tëscht Héngeren a Ponye.
- Gruppenbetreiung: Ech empfänken Gruppen wärend, an ausserhalb der Schoulzäit, souwéi an de Schoulvakanzen. Gruppen vu Kanner bis hin zu Senioren a Mënschen mat Beannträchtegunge sinn häerzlech wëllkomm. Mir sinn mobil, a kommen och op Ufro bei Iech.
- Fester: Bei private wéi och ëffentleche Fester sinn ech mat menge Ponye ënnerwee, fir fräi Begeignungen z'erméiglechen. D'Ponye an ech hunn vill Erfahrung a Gedold mat dëser Aart Asätz.
- Kutsch fueren: Gënnt Iech en exklusive Moment an der Natur mat der Kutsch an mengen Miniatur-Ponye. Mat max. 100 kg (alleng oder mat engem Kand) sidd Dir häerzlech wëllkomm.
Ech freeë mech, Iech kennenzeléieren an eng flott Zäit mat iech a menge Ponye ze verbréngen.
Kontaktéiert mech haut nach, fir Är Auszäit aus dem Alldag ze buchen!
